Потребни состојки:

200гр брашно од спелта

200гр овесни снегулки

50гр кокосов шеќер

1 чаша пире од слатка тиква

1 чаша изрендана јаболка

80мл бадемово млеко

3 лажици растопено кокосово масло

1 лажичка цимет

2 лажици сок од лимон

Половина лажичка сода бикарбона

Прстофат сол

Подготовка:

Најпрво загрејте ја рерната на 180 °C,.

Во поголем сад истурете го брашното, овесните снегулки, кокосовиот шеќер, циметот, содата бикарбона, и солта и измешајте за да се соединат состојките.

Во садот додадете го бадемовото млеко, растопеното кокосово масло, сокот од лимон, пирето од тиква и изренданата јаболка.

Мешајте додека состојките не се соединат.

Добиената смеса рамномерно распоредете ја во калапот за мафини.

Печете ги мафините во рерна 20-25 минути.