sportmaster1. Ти си …
Јас сум атлетичарка, македонски репрезентативец, рекордер и студент по Кинески јазик во Пекинг.
2. Слушнавме дека си државен шампион во атлетика, може ли подетално околу тоа?
Тренирам веќе 12 години атлетика и може да се каже дека имам освоено многу државни титули. Jaс сум младински и сениорски рекордер во фрлање диск, и младински рекордер во трискок. Покрај тоа низ сите овие години ја имам претставувано македонската репрезентација на многубројни меѓународни, балкански првенства.
3. Колку често вежбаш ти како професионалец, а колку е доволно за еден аматер?
Јас вежбам 6 дена во неделата, по 2 пати на ден, вкупно околу 4 – 5 часа дневно. Другите може да вежбаат во зависност од тоа каква цел и амбиција имаат, но според мене три пати неделно е некој минимум.
4. Како да се мотивираме да вежбаме?
Мотивацијата е остварување на целта што ја имаме, мотивацијата е внатре во нас, надворешните фактори не можат толку да влијаат врз нас.
5. Теретана или пилатес и како до рамен стомак?
Според мене најдобра комбинација е теретана , пилатес и трчање. За рамен стомак е потребен здрав начин на исхрана и континуирано вежбање.
6. Што мислиш за ригорозните диети и исхрана полна со рестрикции?
Мислам дека целта е во создавање здрави навики, добро избалансирана исхрана и рамнотежа на организмот, без краткорочни диети и брзи ефекти. Лично јас се трудам секојдневно со правилен избор на храна да му обезбедам на своето тело оптимални количини на витамини, минерали, белковини, јагленхидрати и масти.
7. Здрава исхрана без физичка активност? Што мислиш за тоа?
Мислам дека физичката активност е неопходна, здравата исхрана се надополнува со физичката активност и обратно.
8. “Во здраво тело, здрав дух” дали е навистина така?
Потполно се согласувам! Вежбањето и здравата исхрана ме прават подобро да се чуствувам и да сум попродуктивна и способна за секојдневните физички и интелектуални предизвици.
9. Дали според тебе постои формула за долг и здрав живот?
Според мене стресот е предизвикувач на сите болести, а за намалување на стресот помага физичката активност, која покрај менталната активност, исполнет социјален живот и здрави навики во исхраната е гарант за долг и здрав живот.