СПОРТСКА КАНЦЕЛАРИЈА

Маја Симоновска - Државна видеолотарија

Иницијативата за „Спортска канцеларија“ е одлична идеја. Државна видеолотарија ја препозна, па ја поддржа и како одлична мотивациска вежба за нашиот тим. Континуираното работење во канцеларија може да има последици врз здравјето. Ние како одговорна компанија, која се грижи за своите вработени, се обидовме да ја пренесеме идејата за превенција и надминување на последиците врз здравјето од недостатокот на физика активност кај нашиот тим. Вработените со задоволство ја прифатија иницијативата, откривајќи дека и во своето слободно време, настојуваат да спортуваат и да бидат активни, во текот на целата година.

Елена Минова - DB Schenker

“Спортувањето кај вработените го подобрува расположението, го избиструва умот, поттикнува креативност и среќа, намалува стрес и анксиозност, кои понатаму влијаат на зголемување на продуктивноста, мотивацијата и тимската работа. Сега, во време кога сите сме половина ден пред компјутер и во седечка положба, повеќе од било кога ни е потребна редовна физичка активност, за да го сочуваме здравјето и кондицијата. Ние сме компанија која се грижи за здравјето на вработените и нивната благосостојба. Ги поттикнуваме и поддржуваме вработените што поактивно да спортуваат и се стремиме да обезбедиме услови за тоа. Затоа целосно ја поддржуваме кампањата – Спортска канцеларија, и се надеваме на уште повеќе вакви иницијативи во кои со задоволство би се вклучиле”

Виолета Кочоска - ProtonMail

Спортот и физичката активност треба да бидат дел од нашето секојдневие исто како и утринското кафе. Би сакале да ги поттикнеме не само нашите вработени, туку и сите канцелариски работници повеќе да внимаваат на своето здравје и редовно да спортуваат со цел да ги намалат ризиците кои произлегуваат од нередовната физичка активност. Токму поради ова, решивме да се вклучиме во кампањата „Спортска канцеларија“.

Јасмина Антиќ Атанасовски - InterWorks

Ви благодарам многу за севкупниот ангажман. Верувам и во иднина ќе имаме убави поводи за соработка.

Маја Смилевса - KOLA

Кампањата “Спортска канцеларија” КОЛА ја доживеа како одлична идеја кога станува збор за физичкото здравје, а истовремено и како мотив за зголемување на физичката активност. Ние како компанија која е одговорна и посветена на својот човечки капитал ја пренесовме иницијативата за значењето на физичката активност и последиците од континуирано канцелариско работење. Нашите вработени комплетно ја поддржаа идејата и ги поттикна да размислуваат за зголемување на физичката активност и примена на спорт и во текот на целата година.